Chup ho gaye

             

A poem by Samyak Shah

Do aansu bahe

Aur hum chup ho gaye

Do lavz kahe

Aur hum chup ho gaye

Kuch baat si chali

Aur hum chup ho gaye

Tum par nazar padi

Aur hum chup ho gaye

Laga ke baat aage badhegi

Lekin tum chup ho gaye

Baat tumne bhi shuru ki

Lekin tum phir se chup ho gaye

Shabd kuch kahe

Aur tum chup ho gaye

Iss pyaar ko kya naam doon

Rishte ko kaunsa darza doon

Kyunki

Paas dono aaye zaroor

Par dono hi chup ho gaye